fbpx

May 8

في زمن الفيس بوك، لسة في حد محتاج ويبسايت؟

0  comments

في حوالي 40 مليون صفحة نشطة على الفيس بوك للمشروعات الصغيرة ... متخيل حجم المنافسة !! ... بس مش ال 40 مليون صفحة عندهم ويبسايت، يعني في شركات شغالة وبتكسب ومعندهاش ويب سايت ومعتمدين فقط على الفيسبوك ... ايه إللي يخليني بقى أعمل ويبسايت لمشروعي؟ 

فى المقالة دى هنتكلم عن 4 أسباب هيساعدوك تاخد قرار بإنشاء ويبسايت.

1- المشروعات إللي بتمتلك ويبسايت عندها منافسة أقل:

المنافسة على الفيسبوك شرسة. دراسة قامت بيها BuzzSumo سنة 2017، لاحظت انخفاض التفاعل مع محتوى الفيس بوك بنسبة 20% خلال أول 6 شهور من السنة مقارنة بآخر 6 شهور في 2016. السبب في كدة ببساطة ان بقى في محتوى متاح للجمهور أكتر من الوقت المتاح لإستيعابه. وده بسبب زيادة عدد الصفحات إللي بيحبها الناس، وزيادة عدد أصدقائهم، وزيادة الشركات المنافسة. الوضع مختلف على الموقع الإلكتروني، لأن الجمهور إللي بيدخل بيبقى عنده اهتمام فقط بمنتجاتك حتى لو لثواني (تقدر تطول مدة بقاء الأشخاص على موقعك بشرط وجود محتوى مناسب للجمهور). مش معنى كدة انك لو عندك موقع او متجر إلكتروني مش هيبقى عندك منافسة، ولكنك زودت قناة تسويقية خاصة بيك بالكامل ساعدتك على تقليل المنافسة.

2- المشروعات إللي بتمتلك ويبسايت عندها قدرة أعلى على تحقيق النتائج:

الموقع الإلكترونى مش مجرد آداة للترويج والإعلان. ولكنه يعتبر فرع إلكترونى كامل لمشروعك بينفذ مهام كتيرة. يعنى مثلا بيقوم بدور المبيعات بشكل كامل فى المتاجر الإلكترونية، وبيقوم بدور خدمة العملاء بتوفير كل المعلومات الإساسية اللى محتاجها عميلك. وبيساعدك فى حجز مواعيد لو انت عيادة طبية أو اى خدمة بتحتاج لحجز مسبق. وغيرها كتير من العمليات اللى بيقوم بيها من غير الإعتماد على حد من فريقك.

وخلينى أوضحلك مثال ليه علاقة بالبيع:
تخيل ان فى مشروعين بيبيعوا ملابس لمختلف الأعمار.
المشروع الأول: عنده صفحة فيسبوك وبيستخدم اعلانات فيسبوك فى بيع اى كوليكشن جديد، وبالفعل عمل إعلان لمجموعة من التيشرتات الرجالى.
المشروع التانى: بيستخدم عندة متجر إلكترونى وصفحة فيسبوك وبيستخدم اعلانات فيسبوك فى بيع اى كوليكشن جديد، وبالفعل عمل إعلان لمجموعة من التيشرتات الرجالى.

اعلان المشروع الأول: وصل للناس واللى عجبهم إشتروا واللى معجبهمش مشتروش. وانتهى الإعلان على كده.
اعلان المشروع التانى: وصل للناس، فضغطوا على اللينك. واللى عجبهم الكوليكشن إشتروا، واللى معجبهمش خدوا لفة جوة الموقع وفى منهم لقى حاجات تانية عجبتة واشتراها. وفى منهم اشترى من الكوليكشن اللى كان عليه الإعلان وضاف حاجات تانية من الموقع. وفى ناس سجلت فى القائمة البريدية للموقع علشان يوصلهم الخصومات والعروض. وكمان صاحب المشروع التانى بقى عنده قدرة انه يعيد إستهداف الناس اللى دخلت للموقع ومشترتش بخصوماتو عروض تانية ... والإحتمالات غير نهائية.

ابنى موقع احترافى بنفسك بدون الحاجة لأكواد أو التعامل مع إضافات أو قوالب أو استضافات


منصة هبيفاى
كل ما تحتاجة لإنشاء صفحة هبوط أو موقع أو متجر إلكترونى بإستخدام ووردبريس لتحقيق المزيد من النتائج لمشروعك

ابنى موقع احترافى بنفسك بدون الحاجة لأكواد أو التعامل مع إضافات أو قوالب أو استضافات

منصة هبيفاى
كل ما تحتاجة لإنشاء صفحة هبوط أو موقع أو متجر إلكترونى بإستخدام ووردبريس لتحقيق المزيد من النتائج لمشروعك

3- تقدر تتحكم في موقعك الإلكتروني بنسبة 100%:

موقع شركتك الإلكتروني دوره يحكي قصة مشروعك بطريقة واضحة وجذابة وإظهار رؤية مشروعك وقيمته وخدماته. مش بس هيزود الزوار بمعلومات قيمة، ده هيساعدهم كمان على فهم عروضك التسويقية بشكل أفضل.
في النقطة دي الموقع الإلكتروني بيكمل عمل صفحة الفيس بوك، بس الفرق ان موقعك الإلكتروني مش هيخضع لسياسة وخوارزمية الفيس بوك المتغيرة باستمرار عكس صفحة الفيس بوك إللي لازم تتبع شروط الخدمة.

ممكن نوضح بمثال، لو حبيت تعرف خدمة جديدة أو منتج جديد عندك:
فى صفحتك على فيسبوك هتقدر تحط نص صورة أو نص و فيديو.
أما على الموقع فتقدر تعمل كل حاجة. تقدر تضيف نصوص وصور وفيدوهات وتحت زراير وسيكشنات كل حاجة تقدر تعملها.
علشان كده وجود صفحة ويب تكمل اعلانات وبوستات السوشيال ميديا حاجة مهمة جدا.

4- من خلال موقعك الإلكتروني هتمتلك عملائك المحتملين:

الفيس بوك مثالي في جذب عملاء محتملين جدد، لكن مش هيوفرلك كل إللي هتحتاجه علشان تكمل دورة المبيعات زي جمع بيانات العملاء المحتملين، العميل بيكتمل تخيله للمنتج من خلال موقعك، الموقع بيدي ثقة أكبر ومعلومات أكتر تشجع العملاء المحتملين على الشراء،
من خلال صفحة مشروعك وإعلانات فيسبوك. ووجود موقع إلكترونى هتقدر تعمل آلة للحصول الدائم على العملاء المحتملين.

الخلاصة

انك مش هتقدر تعتمد على منصة واحدة فقط لشغلك. هتحتاج الفيس بوك لجذب عملائك المحتملين لأنه هو المكان إللي بيقضي عليه العملاء معظم وقتهم. وبعد كدة هيجي دور موقعك الإلكتروني إللي هيوفر لعملائك المحتملين تجربة أكثر تكامل مع نشاطك التجاري، وبالتالي اقناعهم وزيادة المبيعات.

ابنى موقع احترافى بنفسك بدون الحاجة لأكواد أو التعامل مع إضافات أو قوالب أو استضافات


منصة هبيفاى
كل ما تحتاجة لإنشاء صفحة هبوط أو موقع أو متجر إلكترونى بإستخدام ووردبريس لتحقيق المزيد من النتائج لمشروعك

ابنى موقع احترافى بنفسك بدون الحاجة لأكواد أو التعامل مع إضافات أو قوالب أو استضافات

منصة هبيفاى
كل ما تحتاجة لإنشاء صفحة هبوط أو موقع أو متجر إلكترونى بإستخدام ووردبريس لتحقيق المزيد من النتائج لمشروعك


الوسوم


ربما يعجبك أيضا

اترك تعليق

Your email address will not be published. Required fields are marked

{"email":"Email address invalid","url":"Website address invalid","required":"Required field missing"}

إشترك فى القائمة البريدية الأن لتصلك المقالات الجديدة!