fbpx

May 19

4 أسباب تجعل صفحات الهبوط Landing pages أفضل من Facebook lead ads

0  comments

لو كان نشاطك خدمى (مركز تدريب – تسويق عقارى – شركة شحن ...)، وبتحتاج دايما تحصل على leads بشكل مستمر علشان تحقق التارجت. فأنت أكيد استخدمت Facebook lead ads أو صفحات الهبوط landing pages أو الأتنين مع بعض.

أهم حاجة متفهمش المقال غلط. الهدف من المقال، مش انه يقول ان صفحات الهبوط أفضل فى النتايج دايما من اعلانات فيسبوك lead ads. ولكن جى يلفت نظرك انك متعتمدش على فقط على اعلانات Facebook lead ads ، وان فى أدوات تانية ممكن تساعدك على تحقيق نتائج أفضل على حسب هدفك من الإعلان ونوع الخدمة.

هنتكلم فى المقال ده على 4 حاجات هتفيدك فيهم صفحات الهبوط اكتر من اعلانات Facebook lead ads:

1- بناء عملاء محتملين Qualified بيبدأ من ضغطهم على لينك صفحة الهبوط الخاصة بيك

الحقيقة الفيس بوك بيبقى عنده بالفعل بيانات الناس من خلال تسجيلهم، والبيانات دي بيشاركها مع المعلنين، بس الفكرة هنا انك كصاحب مشروع وعامل اعلان بتبقى محتاج Qualified leads على الأقل تكون بياناتهم متحدثة، وده مش دايماً متاح في Facebook lead ads.

من خلال صفحة الهبوط انت بتطلب من عملائك طواعية انهم يسجلوا بياناتهم ودي أول خطوة من خطوات بناء الثقة بينك وبين جمهورك المستهدف، ومن خلالها كمان بتحاول تخليهم يعرفوا عنك اكتر من خلال تشجيعهم على اتخاذ قرار زي "اشتري الآن"، "حمل الكتيب"، "اعرف معلومات أكتر" وهكذا.

بس خد بالك !! صفحة الهبوط ممكن تخسرك العميل وتشتت انتباهه، لو فيها بعض العيوب زي:

  • انها تكون بطيئة التحميل.
  • سيئة التصميم.
  • افتقاد المصداقية، الجمهور يدخل الصفحة ميلاقيش أي تفاصيل عن العرض إللي كان مكتوب في محتوى الإعلان.

من ناحية تانية، تقدر تكتسب ثقة جمهورك باستخدام صفحة الهبوط عن طريق:

انتاج صفحة هبوط عالية الجودة بتديلك فرصة أكبر لشرح قيمة العرض بتاعك وتتأكد من جدية العميل إللي بيسجل.

  • تصميم صفحة هبوط جذابة، تحتوي على كل المعلومات الأساسية الخاصة بالمنتج او الخدمة بشكل واضح.
  • تقديم خدمة عملاء ممتازة، اول خطوة فيها تبدأ من التواصل في وقت مناسب بالأشخاص إللي بيسجلوا.

انتاج صفحة هبوط عالية الجودة بتديلك فرصة أكبر لشرح قيمة العرض بتاعك وتتأكد من جدية العميل إللي بيسجل.

2- مع صفحات الهبوط هتقدر تعمل A/B TEST وده مش متاح مع Facebook lead ads:

في اعلانات فيس بوك هتقدر تعمل تعديلات زي تعديل النص، الديزان، او الفورم، وممكن كمان تعدل الأودينس ... بس هل التعديلات دي هي المطلوبة فعلاً لتحسين النتايج. في حاجات فعلياً لازم تعملها test، بس مش هتعرف بدون صفحة هبوط زي:

- الـ CTA:

الفيس بوك بيديلك مجموعة من الخيارات المحدودة كدعوة لإتخاذ القرار (سجل الآن، اعرف المزيد ، إلخ). لكن مع صفحة الهبوط ممكن تخرج من الخيارات التقليدية وتنوع اكتر في ال CTA زي (حمل الكتيب مجاناً، احصل على فترة تجريبية، اعرف تكلفة التشطيب)

كمان تغيير مكان ال CTA button، في الفيس بوك مش هنقدر نتحكم فيها، لكن في صفحة الهبوط تقدر تستخدمها في اي مكان، أو حتى تعمل pop up وهكذا.

- الألوان:

الألوان ممكن يكون ليها تأثير كبير على سلوك المستخدم. فى إختبار عملتة شركة Dmix واستخدمت اللون الأخضر لأيقونة ال  CTA مقابل اللون الأحمر ، واكتشفت ان اللون الأحمر يزيد التحويلات بنسبة 34٪ فى صفحات الهبوط اللى هما عملوها. ده مثلاً نوع من الإختبارات إللي ممكن تعمله باستخدام صفحة الهبوط ومتقدرش باعلانات الفيس بوك فقط.

ابنى موقع احترافى بنفسك بدون الحاجة لأكواد أو التعامل مع إضافات أو قوالب أو استضافات


منصة هبيفاى
كل ما تحتاجة لإنشاء صفحة هبوط أو موقع أو متجر إلكترونى بإستخدام ووردبريس لتحقيق المزيد من النتائج لمشروعك

ابنى موقع احترافى بنفسك بدون الحاجة لأكواد أو التعامل مع إضافات أو قوالب أو استضافات

منصة هبيفاى
كل ما تحتاجة لإنشاء صفحة هبوط أو موقع أو متجر إلكترونى بإستخدام ووردبريس لتحقيق المزيد من النتائج لمشروعك

3- بدون صفحة هبوط، صيغة اعلانات الفيس بوك هتبقى محدودة واعلانات كتير مش هتقدر تنفذها:

الأمثلة كتيرة، منها:

  • ممكن تكون محتاج انفوجراف لعرض بيانات معينة بس بسبب قاعدة ان نسبة النصوص متزيدش عن 20% على ديزاين اعلان الفيس بوك متعرفش تنفذ الاعلان.
  • عايز تعمل اعلان يعرض ريفيوهات عملائك.
  • عايز تعمل اعلان عن كتاب الكتروني، بس اعلان الفيس بوك لوحده مش بيديلك امكانية عمل download من الاعلان مباشرة.
  • عايز تعرض webinar وتفاصيل كتير، بس مش هتعرف توضح التفاصيل دي كلها من خلال ديزاين الفيس بوك.

المشاكل دي كلها ممكن تتغلب عليها باستخدام صفحة الهبوط.

4- كتير من المعلومات المهمة ممكن متقدرش تحصل عليها عن طريق اعلانات الفيس بوك فقط بدون صفحة هبوط:

اعلانات الفيس بوك بس ممكن توفرلك بعض المعلومات زي الاسم، رقم التليفون، العنوان، والبريد الألكتروني. بس في معلومات تانية ممكن متقدرش تحصل عليها بالفورم التقليدية للفيس بوك، زي:

  • لو انت بتقدم تعليم اونلاين والبرامج بتاعتك بتحتاج العميل بقدم شهادة الثانوية العامة.
  • شركتك بتقدم خدمات التأمين على الحياة ومحتاج تعرف عميلك المحتمل عامل بوليسة تأمين ولا لأ.
  • بتقدم خدمة للعناية بالحيوانات الأليفة ومحتاج تعرف عميلك المحتمل عنده حيوان اليف ولا لأ في بيته .

لو بتمتلك المعلومات الأساسية بس بدون بعض التفاصيل الدقيقة إللي مش بتقدمهالك الاعلانات التقليدية بدون صفحة هبوط مش هتعرف تتواصل مع عملائك بشكل فعال، ومش هتقدر تصنفهم بشكل كويس.

الخلاصة

متعتدمش دايما على اداة واحده فى عمليات التسويق الالكترونى، حدد الآداه حسب الهدف اللى عاوز توصله. وساعتها هتشوف نتايج أفضل.

ابنى موقع احترافى بنفسك بدون الحاجة لأكواد أو التعامل مع إضافات أو قوالب أو استضافات


منصة هبيفاى
كل ما تحتاجة لإنشاء صفحة هبوط أو موقع أو متجر إلكترونى بإستخدام ووردبريس لتحقيق المزيد من النتائج لمشروعك

ابنى موقع احترافى بنفسك بدون الحاجة لأكواد أو التعامل مع إضافات أو قوالب أو استضافات

منصة هبيفاى
كل ما تحتاجة لإنشاء صفحة هبوط أو موقع أو متجر إلكترونى بإستخدام ووردبريس لتحقيق المزيد من النتائج لمشروعك


الوسوم


ربما يعجبك أيضا

اترك تعليق

Your email address will not be published. Required fields are marked

{"email":"Email address invalid","url":"Website address invalid","required":"Required field missing"}

إشترك فى القائمة البريدية الأن لتصلك المقالات الجديدة!